Яңа фикерләр:

postheadericon Бармак уеннары 1

Соңгы арада без вак моториканы үстерү турында бик күп ишетәбез.  Сөйләм дәрәҗәсе балаларның бармак эшчәнлеге белән турыдан-туры бәйләмдә булуын галимнәр  дәлилләде инде. Вак моториканың үсү дәрәҗәсе – интеллектуаль әзерлекнең бер күрсәткече.

Түбәндәге такмаклы уеннар балаларның кулларын ныгытырга ярдәм итәрләр. Баштан хәрәкәтләрне баланың куллары белән күрсәтергә кирәк. Хәрәкәтләрне үзләштерә барган саен бала аларны үзе ясый, олы кеше такмакларны әйтеп кенә тора. Акрынлап бу күнекмәләрне бала үзе әйтеп эшли алачак.

 

Казлар-казлар

– Казлар, казлар!                Бармаклар җыелган. Кул әйләнә.

- Га-га-га!                         Баш бармак аска төшә һәм 

күтәрелә.

– Ашыйсыгыз киләме?            Бармаклар җыелган. Кул әйләнә.

- Бик килә шул! Бик килә!    Баш бармак аска төшә һәм                                                                                                                                                 күтәрелә.

 

Чыпчык

– Чыпчык, син кайда булдың?     Бармак белән яныйбыз.

– Елгада кулны юдым.                     Кулларны юабыз.

Җил исте – мин егылдым,                   Бармакларны аерабыз һәм уч төпләрен аска таба  каратабыз.

 Күлләвектә пычрандым.                       Кулларны кагабыз.

 

Бармак малай

                       

– Бармак, бармак, кайда булдың?

– Бу абый белән урманга бардым,

Бу абый белән кырда йөрдем.

Бу абый белән ботка ашадым.

Бу энем белән җыр җырладым.

***

– Бармак, бармак, кайда булдың?

– Бу абый белән баланга бардым,

Бу абый белән ярма ярдым.

Бу абый белән чәй эчтем.

Бу энем белән биергә төштем.

 

 

Карга

Карга килер – казан асар,                         Чәнти бармактан башлап бармакларны бөклибез

                                                                                 (баш бармактан башка)

Торна килер – тоз салыр,

Саескан килер – салма салыр,

Чыпчык килер – төшерер, 

 

Моңа бирер, моңа бирмәс,                                                    Баш бармакны селкетәбез.

Моңа бирер, моңа бирмәс,

Кечкенә түти туймый калыр,

 

Кетер, кетер, кетер,                                                                 Уч төбен кытыклыйбыз.

Казан төбен кимер.

Кети, кети, кети!

 

 Тук-тук

- Тук-тук-тук! Йодрыклар белән бер-берсенә өч тапкыр

                                                                                   сугабыз.

– Кем бар анда? Куллар белән өч тапкыр шапылдыйбыз.

- Бу мин – Дилә!  Йодрыклар белән бер-берсенә өч тапкыр

                                                                                      сугабыз.

 

– Сиңа  шат һәрвакытта!  Куллар белән өч тапкыр 

                                                                                                       шапылдыйбыз.

 

Тукран

Тук, тук, тукран,

Тукылдатып утырам.                       Сул кул “агач”– ул туры тора.

                                                         Уң кул “тукран”.  Уң кул белән сул кулга шакылдыйбыз.


Мичтә бәлеш пешәме?

Шуны көтеп утырам.                                        Куллар алышына.  

                                                                        Сул кул белән уң кулга  шакылдыйбыз.

 

 

Йокыга талу

 

Мендәргә салам башны,                      Бала ята.

Сыйпыйм, сыйпыйм маңгайны.    Маңгаен сыйпыйбыз.

Күзләрне йомам,                         Баланың күзләрен куллары

белән каплыйбыз.

Йокыга талам.                  Кулларны яңак астынакуябыз.

Күзләрне йомабыз.

 

Тотам, тотам!

Авызым белән ашыйм,         Баланың бармагы белән авызын

күрсәтәбез.

Борыным белән сулыйм,

Колагым белән тыңлыйм,

Күзләрне ачам-ябам,         Күзләрне кыскалыйбыз.

Кулларым белән тотам, тотам, тотам. Тотабыз, тотабыз.                                                                                                                                                                                                                                                                  

                                                                                                                                                                                              

 

Мәкалә ошадымы? Дусларыгызга да сөйләгез:

Комментарии:

Оставить комментарий

Лизинговые услуги в Санкт-Петербурге сайт AMRSpb.ru