Яңа фикерләр:

Архив рубрики «Пәйгамбәрләр тарихы»

postheadericon Гыйсә галәйһиссәлам. 7 нче кисәк

1321886271_21118
Мәръям улы Гыйсә – Бану Исраилгә Аллаһ тарафыннан җибәрелгән пәйгамбәр. Ләкин алар аның пәйгамбәр булуын кабул итмиләр һәм аның турында төрле фикергә киләләр. Кайберләре аңа карата артык мәхәббәттә булалар һәм аны шул хәтле зур дәрәҗәгә күтәрәләр ки, хәтта аңа һәм аның әнисенә гыйбадәт кыла башлыйлар. Алар – насаралар, яки икенче төрле әйткәндә, христианнар. Ә беришләре аның рәсул булуын кире кагалар һәм үзенә яла ягалар.
Прочитать остальную часть записи »


postheadericon Гыйсә галәйһиссәлам. 6 нчы кисәк

iTE0NSS9Z
Ибн Кәсир исемле галим болай ди:
«Аллаһ Мәръям улы Гыйсәне ачык могҗизалар һәм вәгазьләр белән җибәргәч, алар аның Аллаһ бүләкләгән пәйгамбәрлегенә һәм искиткеч могҗизаларына, кешеләрне Аллаһ кушуы буенча сукыр һәм авыруларны дәвалаганына, үлеләрне терелткәненә һәм башкаларга хөсетләнәләр.
Прочитать остальную часть записи »


postheadericon Гыйсә галәйһиссәлам. 5 нче кисәк

98781833_800pxBuffet_Food_Platter

Гыйсә галәйһиссәлам кавеменә һәрвакыт нәсыйхәт кыла торган була.
Көннәрнең берендә хәварийуннар аңа:
– Әй Гыйсә, синең Раббың безгә күктән ризык белән ашъяулыгы төшерә аламы? — дип сорыйлар.
Прочитать остальную часть записи »


postheadericon Гыйсә галәйһиссәлам. 4 нче кисәк

zwalls_ru-10473
Үзләренең кабахәт эшләреннән булган Тәүратны үзгәртүләре һәм аларның кешеләргә золым кылган гамәлләре ачыклануы мөмкин дип, алар Мәръямгә һәм Гыйсә галәйһиссәламгә каршы төрле мәкерлекләр кыла башлыйлар.
Прочитать остальную часть записи »


postheadericon Гыйсә галәйһиссәлам. 3 нче кисәк

bb7a6892616503cdb62f1767bc802476

Димәк, Җибрил галәйһиссәлам кайгыга баткан Мәръямне тынычландыра, кайгырмаска куша.
Бу күренеш Коръәндә менә ничек сурәтләнә (мәгънәсе):
«Мәръям Гыйсәгә йөкле булды һәм корсагындагы йөген күтәреп, кавеменнән аерылып, ерак җиргә китте. Бала табуның авырлыгы Мәръямне хөрмә агачы янына китерде.
Прочитать остальную часть записи »


postheadericon Гыйсә галәйһиссәлам. 2 нче кисәк

44854575_277
Җибрил фәрештә Мәръямнең баласы булачагы турында хәбәр иткәч, ул нык аптырый һәм:
– Ничек инде минем кияүгә чыкмаган килеш балам булсын? Мин фәхишәлектән дә пакь, һәм миңа һичбер ир-атның кулы тигәне юк?
Прочитать остальную часть записи »


postheadericon Гыйсә галәйһиссәлам. 1 нче кисәк

veilof10
Мәръямнең әтисе дә, әнисе дә изге кешеләрдән булалар.
Әнисе нәзер кылуынча, аны әл-Әкъса мәчетенә илтеп тапшыргач, Мәръямне үзенә карамакка дип, Зәкәрия галәйһиссәлам ала.
Прочитать остальную часть записи »


postheadericon Зәкәрия һәм Яхъя галәйһиссәламнәр. 5 нче кисәк

20768

Шулай итеп көннәр, айлар, еллар уза.
Яхъя галәйһиссәлам дөньяга килеп, инде үсә төшә.
Ләкин ул башка балалар кебек булмый. Аллаһ тәгалә аны изге, тәкъва балалардан кылып, хикмәт һәм башка күркәм сыйфатлар белән дә нигъмәтли.
Прочитать остальную часть записи »


postheadericon Зәкәрия һәм Яхъя галәйһиссәламнәр. 4 нче кисәк

63877157_gfhjkl1
Көн артыннан көннәр уза.
Зәкәрия галәйһиссәламнең хатыны бик тә матур һәм сөйкемле бала таба.
Прочитать остальную часть записи »


postheadericon Зәкәрия һәм Яхъя галәйһиссәламнәр. 3 нче кисәк

1012421_588241797864320_306221160_n1

Зәкәрия галәйһиссәлам олыгаеп, картая төшкәч, үзеннән соң, бер Аллаһка дәгъвәт кылу туктамасын, дип Раббысына дога кыла.
Прочитать остальную часть записи »


postheadericon Зәкәрия һәм Яхъя галәйһиссәламнәр. 2 нче кисәк

i9N9ADHKU

Әтисе Гыймран үлгәч, Мәръям ятим кала һәм имезү вакыты узгач, әнисе аны нәзерен үтәргә дип әл-Әкъса мәчетенә илтә.
Прочитать остальную часть записи »


postheadericon Зәкәрия һәм Яхъя галәйһиссәламнәр. 1 нче кисәк

82908279_73065578_2031
Бану Исраил кавемендә бозыклык, золым, дошманлык күбәеп тирә-якка таралуын дәвам итә.
Кавем шул кадәр бозыклыкка бата, хәтта шәйтан алар белән ничек теләсә, шулай уйный башлый.
Муса галәйһиссәламгә иңгән изге китаплардан булган Тәүрат китабын да алар хәтта үзләренә ничек ошый, ничек уңай булып тоела, шулай үзгәртәләр. Сүзләрен бозалар, җөмләләрен алыштыралар. Анда булмаган нәрсәләрне өстиләр, булганын алып ташлыйлар.
Прочитать остальную часть записи »


postheadericon Әльясәгъ галәйһиссәлам

iTE0NSS9Z
Әльясәгъ галәйһиссәлам Аллаһ тәгаләнең Бәнү Исраил кавеменә Ильястән соң җибәрелгән пәйгамбәрләреннән иде.
Ул Ильяс галәйһиссәламнән соң пәйгамбәр булып килсә дә, Ильяс галәйһиссәламнең сүзләрен тыңлап, бергә Аллаһка гыйбадәт кылып, бер чорда яши.
Прочитать остальную часть записи »


postheadericon Ильяс галәйһиссәлам. 2 нче кисәк

HS092_350AA

Ләкин Аллаһның кешегә булган рәхмәте киң. Ул кешеләргә туры юлны күрсәтүче пәйгамбәрләр җибәрә.
Ул пәйгамбәрләр барча галәмне юктан бар кылучы, хак гыйбадәткә лаек булган Бер Аллаһка гына чакыралар.
Прочитать остальную часть записи »


postheadericon Ильяс галәйһиссәлам. 1 нче кисәк

amulety-ot-sglaza-na-bulavke-0005101928-preview
Ильяс галәйһиссәламне Аллаһ Тәгалә хәзерге Ливандагы Бәгләбәк исемле җирдә яшәүче халыкка пәйгамбәр итеп җибәрә.
Ул кавем, үзләренә кадәр булган адашкан кавемнәр кебек үк, үзләренә агачтан яки таштан потлар ясап, шуңа табыналар иде.
Прочитать остальную часть записи »


postheadericon Юныс галәйһиссәлам. 3 нче кисәк

09IJqvoqpck

Күпмедер вакыт узганнан соң, Юныс галәйһиссәлам кавеме янына юнәлә.
Кавеме аны шатланып каршы ала һәм алар үзләренең Аллаһ Тәгаләгә иман китергәннәрен хәбәр иттеләр.
Прочитать остальную часть записи »


postheadericon Юныс галәйһиссәлам. 2 нче кисәк

youtube_3c00d99974b54883609dea1873e2df2d
Кавеменең иман китермәгәннәренә Юныс галәйһиссәлам бик тә кайгыра һәм ул үзенең дәгъватенең файдасыз икәнлегенә ышанып, бу җирлектә кирәкмидер дип уйлап, Раббысының әмереннән тыш, икенче җиргә дәгъват кылырга дип, Найнавадан чыгып китә.
Прочитать остальную часть записи »


postheadericon Юныс галәйһиссәлам. 1 нче кисәк

1377977585_c206262aa118a6b4217b455e7c1655d7
Гыйрак җирендәге Мусал янындагы Найнава шәһәрендә яши торган кавем, башка бөтен адашкан кавемнәр кебек үк, агачтан һәм таштан потлар ясап, шуларга табына торган булалар.
Алар үз куллары белән ясаган әлеге потларга – җансыз курчакларга – зур өметләр баглыйлар, аларны нинди дә булса көчкә ия дип беләләр.
Прочитать остальную часть записи »


postheadericon Сөләймән галәйһиссәлам. 7 нче кисәк

1253390f24b97fde407e61dd8cdf4bfa

Сөләймән галәйһиссәлам бер Аллаһка гына гыйбадәт кылырга чакыруын ахыргы көненә кадәр дәвам итә.
Шулай ук, җеннәрнең яшерен гыйлемнәрне белмәүләре хакында кешеләргә аңлатыр өчен көннәрнең берендә Раббысыннан үзенең үлемен җеннәрдән яшерүне теләп, дога кыла.
Прочитать остальную часть записи »


postheadericon Сөләймән галәйһиссәлам. 6 нчы кисәк

0
Бәлкыйс Сөләймән галәйһиссәламнең патшалыгында бик күп гаҗәеп нәрсәләр күрә. Ул андагы байлыкка, искиткеч хәлләргә аптырап йөри.
Сөләймән галәйһиссәлам сараеның идәннәрен пыяладан ясатып, астыннан су ага торган итәргә боерган була.
Прочитать остальную часть записи »


postheadericon Сөләймән галәйһиссәлам. 5 нче кисәк

i_004

Шулай итеп, Бәлкыйснең илчеләре Сәбәгә алып килгән бүләкләре белән кире кайтып китәләр.
Бу вакыйга турында Коръәндә менә ничек әйтелә (мәгънәсе):
«Бәлкыйс хатны алгач әйтте:
– Әй җәмәгать, миңа бер яхшы хат килде. Ул хат Сөләймәннән һәм ул анда: «Рахмән, рәхимле булган Аллаһ исеме белән әйтәмен. Миңа тәкәбберлек итмәгез, итагать иткәнегез хәлдә миңа килегез», — дип язылган”, – диде.
Прочитать остальную часть записи »


postheadericon Сөләймән галәйһиссәлам. 4 нче кисәк

2_html_10f71b20
Шулай итеп, Сөләймән галәйһиссәлам хат яза. Аны ул һүдһүд кошына бирә һәм Йәмән җиренә патшабикә булган Бәлкыйскә әлеге язма белән җибәрә.
Прочитать остальную часть записи »


postheadericon Сөләймән галәйһиссәлам. 3 нче кисәк

izum1

Көннәрдән бер көнне, Сөләймән галәйһиссәлам үзенең патшалыгында һүдһүд дигән кошны югалта.
Һүдһүднең кайдалыгы турында җавап ишетмәгәч, ачулана һәм:
– Әгәр дә кайткач, ни сәбәпле югалып торганын аңлата алмаса, мин аны каты җәзага тарттырырмын, — ди.
Прочитать остальную часть записи »


postheadericon Сөләймән галәйһиссәлам. 2 нче кисәк

A Muslim pilgrim prays at the top of Mount Noor in Mecca

Сөләймән галәйһиссәлам шөкер кылучылардан була.
Ә Аллаһ Тәгалә шөкер кылучыларны ярата, ә үзен бар иткән Раббысына тәкәбберлек күрсәткәннәргә ачулана. Шөкер кылучылар турында Аллаһ Тәгалә Коръәндә (мәгънәсе):
«Дәхи Раббыгыз сезгә белдерде: «Әгәр дә сез шөкарана итсәгез, Мин сезгә арттырып бирермен, әгәр дә көферлек кылсагыз, Минем газабым бик каты булачак», – ди. (Ибраһим: 7)
Прочитать остальную часть записи »


postheadericon Сөләймән галәйһиссәлам. 1 нче кисәк

hqdefault
Сөләймән галәйһиссәлам – Давыд галәйһиссәламнең улы.
Аллаһ Тәгалә аны пәйгамбәр итә.
Бөек Аллаһ, үзенең чиксез кодрәте белән Сөләйман галәйһиссәламгә хайваннар телен белгертә һәм шулай ук җеннәрне аңа буйсындырып, аларны аның гаскәре һәм хезмәтчеләре итә.
Прочитать остальную часть записи »


postheadericon Давыд галәйһиссәлам. 5 нче кисәк

iW8VVG3H0
Көннәрдән бер көнне, Давыд галәйһиссәлам үзенең гыйбадәт йортына гыйбадәт кылырга дип кергәч, аның янына һич көтмәгәндә ике кеше килеп керәләр.
Прочитать остальную часть записи »


postheadericon Давыд галәйһиссәлам. 4 нче кисәк

0_a072c_50d3c91a_XL

Давыд галәйһиссәлам Бәнү Исраил кавеменә патша булып, гаделлек белән хөкем итә башлый.
Прочитать остальную часть записи »


postheadericon Давыд галәйһиссәлам. 3 нче кисәк

Assassini_vihodyat_iz_dima
Шулай итеп, Давыд галәйһиссәлам үзенең яшьлегенә карамыйча, золымчы Җәлутка каршы бергә-бер көрәшкә чыга.
Прочитать остальную часть записи »


postheadericon Давыд галәйһиссәлам. 2 нче кисәк

1156108_1
Ахыр чиктә, Бану Исраил кавеме Талутның үзләре өстеннән сугышта җитәкчелек итүенә ризалашалар.
Прочитать остальную часть записи »


postheadericon Давыд галәйһиссәлам. 1 нче кисәк

8008
Бәнү Исраил кавеме кылган бозыклыклар шул кадәр чикне уза ки, хәтта алар Аллаһ Тәгаләнең пәйгамбәрләрен дә үтерә торган булалар. Кызганыч ки, Исраил уллары бозыклык таратуларын дәвам итүдән хәзерге көнгә кадәр дә туктамый әле.
Прочитать остальную часть записи »


postheadericon Зүл-Кифел галәйһиссәлам

1365793306
Аллаһ Тәгаләнең пәйгамбәре булган Зүл-Кифел үзенең кавемен гаделлек белән хөкем итеп, араларында золымлык кылуны тыя һәм Аллаһ Тәгалә кушканнарын үтәргә боера.
Прочитать остальную часть записи »


postheadericon Әюп галәйһиссәлам. 2 нче кисәк

hqdefault
Әюп галәйһиссәлам килгән авырлыклардан төшенкелеккә бирелми. Көннәрдән бер көнне, ул Раббысына дога кылып ялвара (мәгънәсе):
«Һәм Әюпне дә хәтерләгез, Ул Раббысына дога кылды:
– Әй Раббым! Мине сырхау вә катылык тотты, Син рәхмәт итүчеләрнең иң рәхимлесе». (Пәйгамбәрләр: 83)
Прочитать остальную часть записи »


postheadericon Әюп галәйһиссәлам. 1 нче кисәк

80972641_1290274239_CDEEE2EEE3EEE4EDE8E920F4EEED203037203037
Әюп галәйһиссәлам дә Шөгайб галәйһиссәлам кебек нәселе буенча Ибраһим галәйһиссәламгә тоташа.
Прочитать остальную часть записи »


postheadericon Шөгайб галәйһиссәлам. 4 нче кисәк

mota_ru_9110905-crop
“Шөгайб әйтте:
– Әй кавемем, минем кабиләм сезгә Аллаһка караганда якынракмы әллә? Аның әмерләрен артыгызга куясыз. Дөреслектә, минем Раббым сез кылган эшләрне белүче һәм чолгап алучы. Әй кавемем, сез үзегезнең бозык эшләрегезне кылыгыз! Әлбәттә, мин үз гамәлемне кылырмын һәм кем ялганчы һәм кемгә рисвай кылучы газап килгәнен тиздән белерсез. Көтегез Аллаһ газабын! Мин дә сезнең белән бер рәттән сезгә килә торган газапны көтүчемен.
Прочитать остальную часть записи »


postheadericon Шөгайб галәйһиссәлам. 3 нче кисәк

102215085_1371833183_0113
“Шөгайб әйтте:
– Сездән Аллаһның хөкемнәренә ышанучы һәм ышанмаучы булса, Аллаһ арабызда хөкем иткәнгәчә кадәр сез — ышанучылар, сабыр итеп түзегез. Ул хөкем итүчеләрнең иң хәерлесе.
Прочитать остальную часть записи »


postheadericon Шөгайб галәйһиссәлам. 2 нче кисәк

12447493
Йомшаклык һәм хикмәт белән вәгазьләп, аларны иманга чакыруын дәвам итә.
Ләкин алар аңа даими рәвештә явызлык белән җавап бирәләр.
Коръәндә бу хакта болай диелә (мәгънәсе):
«Әй Шөгайб, син сөйләгән сүзләрнең күбрәген аңламыйбыз һәм арабызда сине бик зәгыйфь күрәбез, әгәр синең нәсел туганнарың (кабиләң) булмаса иде, без сине ташлар белән бәреп үтерер идек һәм син безгә алай бик кадерле-газиз кеше түгелсең», — диделәр». (Һуд: 91)
Прочитать остальную часть записи »


postheadericon Шөгайб галәйһиссәлам. 1 нче кисәк

Oak_tree_by_attila0427-1024x640
Аллаһ Тәгалә Шөгайб галәйһиссәламне Мәдьян әһелләренә пәйгамбәр итеп җибәрә.
Мәдьянлылар гарәпләрдән булып, Шәм җирлеге тирәсендәге Мәган дигән урында яшиләр.
Прочитать остальную часть записи »


postheadericon Ягъкуп галәйһиссәлам

usuf_yakub
Ягъкупның әтисе — Исхак галәйһиссәлам дөньяга килгәнче үк, Аллаһ Тәгалә Ибраһим галәйһиссәлам белән Сараны туачак оныклары Ягъкуп белән шатландыра.
Бу хакта Коръәндә болай диелә (мәгънәсе):
«Ибраһим галәйһиссәламнең хатыны да шунда аяк өстендә иде, хатыны Ибраһимның куркуыннан көлде, сөенеч хәбәр бирдек, ул хатынга Исхак исемле бала тудырачагы белән һәм Исхактан Ягъкуп исемле бала булыр», — дип». (Һуд: 71)
Прочитать остальную часть записи »


postheadericon Лут галәйһиссәлам. 2 нче кисәк

sodom-and-gomorrah
Ибраһим галәйһиссәлам:
– Ул кавем бәлки тәүбә итәр вә аларның араларында Лут галәйһиссәлам бар», — дип, фәрештәләргә бераз кичектерергә сорагач, фәрештәләр:
– Без анда кем барлыгын беләбез», — диделәр.
Прочитать остальную часть записи »


postheadericon Лут галәйһиссәлам. 1 нче кисәк

istoriya_luta
Иорданиядә, борынгы шәһәрләрдән саналган, «Сәдүм» дигән бер шәһәр бар. Ул «Үле диңгез» буенда урнашкан.
Моннан инде күп еллар элек, анда кешеләр дә яшәгән. Ләкин алар дәими рәвештә бозыклыкта яшәгәннәр. Аллаһ хәрам кылган нәрсәләрне үзләренә рөхсәт итеп, барча бозыклыкларны яхшыга саныйлар. Ә изгелекләрне начар гамәлләрдән саныйлалар. Алар көннәрен яңадан яңа бозыклыклар уйлап чыгарып үткәрәләр.
Прочитать остальную часть записи »


postheadericon Исхак галәйһиссәлам

65487_182343075111489_128654030480394_689128_6631174_n
Ибраһим галәйһиссәлам һәм аның хатыны Сараның башта балалары булмый.
Билгеле булганча, хатын-кыз зур яшькә җиткәч, ул бала таба алмый.
Сара менә шундый бала таба алмый торган олы яшьтә булганда, Аллаһ Тәгалә Ибраһим галәйһиссәламне, хатыны Сараның Исхак исемле ир бала табачагы белән шатландыра. Ә Исхакның Ягъкуп исемле малае булачагын белгертә.
Гәҗәеп! Бу хәл бик тә гәҗәеп!
Прочитать остальную часть записи »


postheadericon Муса галәйһиссәлам. 37 нче кисәк

Бану Исраил Муса галәйһиссәламнән соң.
nadvigayuschayasya_burya_v_pustyne_1920x1200

Үзенең диннән китүе аркасында җәзаланып, Бану Исраил сахрада адашып йөргән вакытта Муса галәйһиссәлам үлә.
Аллаһ аларны мескен халык итә. Аларга Аллаһның ачуы төшә.
Галәмнәрне бар итүче Аллаһ аларга моңарчы беркемгә дә бирелмәгән нигъмәтләр бирә. Ул аларны хакимлек итүчеләр итә һәм алардан пәйгамбәрләр чыгара.
Прочитать остальную часть записи »


postheadericon Муса галәйһиссәлам. 36 нчы кисәк

Аңлату.
the-wise-man-and-the-prophet-musa-as

Аннары Хидр аңа:
– Монда мин синең белән хушлашырмын, ләкин син сабыр була алмаган нәрсәләрне аңлатырмын, – ди. – Корабка килгәндә, ул диңгездә хезмәт иткән ярлы кешеләрнеке иде. Мин аны алар кашында көч белән һәр бөтен булган корабны тартып ала тоган патша булганга күрә бозарга теләдем.
Прочитать остальную часть записи »


postheadericon Муса галәйһиссәлам. 35 нче кисәк

Гыйлем юлында.
untitled
Пәйгамбәребез Мөхәммәд салляЛлаһу галәйһиссәламнән килә:
Бервакыт Муса галәйһиссәлам Бану Исраилгә вәгазь сөйләгәне вакытта, алар аннан сорыйлар:
– Бу дөньяда кемнең гыйлеме иң күп?
Муса галәйһиссәлам әйтә:
– Минем, – ди.
Прочитать остальную часть записи »


postheadericon Муса галәйһиссәлам. 34 нче кисәк

Бану Исраилнең куркаклыгы.
the-prophets-in-palestine-prophet-musa-as

Бану Исраил Мисырда коллар булалар. Аларның балалары һәм яшүсмерләре коллыкта үсә. Аларның ирләре түбәнсетелүгә һәм кыерсытылуга күнеккән, алар батыр булмыйлар.
Алар бәйсез тормыш өчен ничек көрәшергә кирәклеген оныталар.
Бану Исраилнең балалары мескен тормышка һәм туган җирсез күченеп йөрергә күнеккән була.
Аллаһ Тәгалә әмере белән, Муса галәйһиссәлам кавемен изге җиргә, алар анда хакимият итсеннәр һәм ирекле булсыннар өчен алып килә.
Прочитать остальную часть записи »


postheadericon Муса галәйһиссәлам. 33 нче кисәк.

Җәза.
cielo02

Аллаһ Тәгалә Муса галәйһиссәламгә кавеменең Самийрийның сихере белән фетнәгә төшүе турында белгертә.
Муса галәйһиссәламнең бик нык күңеле төшә һәм ул ярсуланып кайта.
Ул үзенең кавеменә һәм кардәше Һәрунга карата ярсый.
Ул:
– Йә Һәрун! Аларның адашуга кергәннәрен күргәч, минем арттан килерггә нәрсә комачаулады сиңа?! Син минем сүземнән чыктыңмы әллә?! – ди. (ТаҺә сүрәсе, 92-93 нче аятләр)
Прочитать остальную часть записи »


postheadericon Муса галәйһиссәлам. 32 нче кисәк

Бозауга гыйбадәт.
1230485618_ic58ead7

Бану Исраил мөшрикләр белән күп вакыт Мисырда яшәгән була. Алар үз күзләре белән коптларның күптөрле нәрсәләргә гыйбадәт кылганлыкларын күрәләр. Шуңа күрә Исраил уллары тора бара ширектән, ягъни Аллаһка тиңдәшлек кылудан – Аллаһ Тәгалә беркайчан да гафу итми торган гөнаһтан борылмый башлыйлар.
Иске бинаның диварларыннан су үтеп кергән кебек, аларның йөрәкләренә ширек үтеп керә.
Җайлы вакыт чыгу белән, алар, кыядан су аккан кебек, ширек эшләргә йөгерәләр.
Прочитать остальную часть записи »


postheadericon Муса галәйһиссәлам. 31 нче кисәк

Тәурат.
light-of-the-word
Аллаһ Бану Исраилнең моңарчы булган кавемнәр кебек, китаплары булмыйча, адашуларын теләми. Ул аларны сукыр дөяләр кебек адашкан кавемнәрнең язмышыннан коткарырга теләгән.
Аллаһ Тәгалә Муса галәйһиссәламгә утыз көн ураза тотып чистарынырга, аннан соң Тур тавына килергә куша.
Аллаһ Тәгалә Тур тавында Муса галәйһиссәлам белән сөйләшеп, аңа китап җибәрергә тели.
Прочитать остальную часть записи »


postheadericon Муса галәйһиссәлам. 30 нчы кисәк

Шәригать.
111037309_image_136613739173
Бану Исраил, ниһаять, кеше төсле яши башлыйлар.
Сахрада алар ирекле һәм азат булалар.
Инде хәзер бу кавемгә Аллаһның кануннары – шәригать кирәк була. Аның буенча карар кылып, аларның томыш юлларын яктыртыр өчен.
Кеше бары тик Аллаһ кануннары буенча яшәгәндә генә кеше төсле яши ала.
Дөнья караңгылыкка тиң. Анда Аллаһ тарафыннан бүләк ителгән яктырткыч кирәк.
Прочитать остальную часть записи »


postheadericon Муса галәйһиссәлам. 29 нчы кисәк

Сыер.
755439s

Муса галәйһиссәлам Аллаһка дога кылып мөрәҗәгать итә.
Раббылары Бану Исраилгә бер сыер суярга боера.
Нәкъ менә шунда бөтен нәрсә дә бутала да инде.
Бану Исраил тагын үзләренең мыскыллау сорауларын бирергә тотыналар.
“Менә Муса үзенең халкына: “Аллаһ сезгә сыер суярга әмер итә”, – диде. Алар аңа: “Әллә син безне мыскыл итәсеңме?” – диделәр. Ул: “Мине Аллаһ наданнардан булудан сакласын!” – диде”. (Бакара сүрәсе, 67 нче аят)
Прочитать остальную часть записи »


postheadericon Муса галәйһиссәлам. 28 нче кисәк

Бану Исраилнең рәхмәтсезлеге.
1721009
Ләкин Бану Исраилнең дәвам ителгән коллыгы аларда эз калдыра: аларның әдәпләре, томыштан ләззәт алу хисе нык үзгәргән була.
Бану Исраил сабый балага охшый: алар сабыр була алмыйлар, үз сүзләрендә тормыйлар. Алар түземсез, мәгънәсез кешеләргә әвереләләр.
Прочитать остальную часть записи »


postheadericon Муса галәйһиссәлам. 27 нче кисәк

Сахрада.
wallpapers_40343
Бану Исраил куркынычсыз урынга барып, ирекле кешеләр кебек иркен сулый башлыйлар.
Мода аларга Фиргавен дә, Һәман да, аларның сакчылары да янамаган.
Инде хәзер алар Аллаһтан башка берәүдән дә курыкмыйча, тыныч яши алганнар.
Ләкин яшел үзәндә үскән Исраил уллары сахраның эсселегеннән интеккәннәр.
Прочитать остальную часть записи »


postheadericon Муса галәйһиссәлам. 26 нчы кисәк

Фиргавеннең йотылуы.
177_moses

Бану Исраилнең диңгез аша чыгуын күргән Фиргавен үзенең гаскәренә:
– Карагыз! Диңгез минем әмерем белән, мин качкыннарны тота алсын өчен бүленде! – ди.
Фиргавен һәм аның гаскәре Бану Исраил артыннан китә.
Бану Исраил тагын паникага бирелә:
– Явыз дошман безнең арттан килә! Һәм диңгез аша бернинди зарарсыз үтә!
– Бу безнең үлемебез! Эләктек!
Прочитать остальную часть записи »


postheadericon Муса галәйһиссәлам. 25 нче кисәк

Нәтиҗә.
4e6d6b063e3494e72fd8f1e5de12ea97

Мисырның киңлекләре Бану Исраилгә тар була башлый. Дөрестән дә, ничек инде Мисырның яшел үзәннәрен көн саен золымлык һәм рәнҗү күргән вакытта сөяргә мөмкин?
Кайчанга кадәр түзәр Бану Исраил? Алар да бит шул ук тән һәм сөяктән!
Прочитать остальную часть записи »


postheadericon Муса галәйһиссәлам. 24 нче кисәк

Биш җәфа.
1a39fd394c8dt

Аллаһ аларга кайгыларны берсе артыннан берсе җибәрә башлый.
Аллаһ аларга су басуны җибәрә. Күктән яңгыр коя башлый. Нил ярларыннан чыга. Яңгыр коя да коя. Кыр-басуларны су баса. Арышлар һәм җиләк-җимешләр юкка чыга.
Хәерле була торган яңгыр алар өчен кайгыга әверелә.
Моңарчы алар корылыкка зарланган булсалар, инде хәзер су басуга зарланалар.
Прочитать остальную часть записи »


postheadericon Муса галәйһиссәлам. 23 нче кисәк

Ачлык.
iCAZR7TDD

Фиргавен үзенең баш күтәрүендә һәм наданлыгында киреләнә.
Аңа акыл кертер өчен, Аллаһ аны җәзаларга тели.
Ул үзенең колларының кәферлегенә беркайчан да риза булмас!
Аллаһ җирдә фетнә таралуын яратмый.
Прочитать остальную часть записи »


postheadericon Муса галәйһиссәлам. 22 нче кисәк

Бану Исраилнең мескен халәте.
ghk-barking-dog-lgn

Мисыр халкы, үзләренең патшаларыннан үрнәк алып, Бану Исраил кавеменә карата начар мөгаммәләдә була башлыйлар.
Хәтта мисырлыларның балалары да аларны мыскыл иткән һәм этләре аларны урамда куган.
Бану Исраил көн саен яңадан яңа авырлыклар белән очрашканнар.
Муса галәйһиссәлам үзенең кавемен сабырлыкка чакыра һәм аларга юаныч сүзләр әйтә:
– Аллаһтан ярдәм сорагыз һәм сабыр булыгыз. Дөреслектә, җир – Аллаһ Тәгаләнеке. Ул аны мирас итеп кемгә теләсә, шуңа бирә һәм Аллаһтан куркучыларга гомеренең яхшы ахыры әзерләнгән. (Әграф сүрәсе, 128 нче аят)
Прочитать остальную часть записи »


postheadericon Муса галәйһиссәлам. 21 нче кисәк

Фиргавеннең хатыны.
ab141

Үзен кешеләрнең акылларының, җаннарының һәм тәннәренең хуҗасы дип исәпләгән Фиргавен, үзеннән башкага гыйбадәт кылуны күз алдына да китерә алмаган.
Мисырның бер онытылган почмагында гына булса да Муса галәйһиссәламгә иярүче барлыгын ишетсә, ул ярсуга килә.
Ул йә утыра, йә баса, йә шартлар дәрәҗәгә җитә, йә кызара.
– Ничек ул минем рөхсәтемнән башка Мусага иман китерә алган?!! Минем илемдә яшәп, миңа гыйбадәт кылмый! Минем нигъмәтләрем белән тукланып, миңа шөкер итми! Мисырдагы һәр кешенең хуҗасы мин түгел мени?!!
Ләкин Фиргавен үзе Аллаһның җирендә яшәп, Аңа каршы сугышканлыгын уйламый. Ул Аллаһ биргән нигъмәтләр белән ләззәтләнеп, мөртәдлекне чагылдыруын оныта!
Прочитать остальную часть записи »


postheadericon Муса галәйһиссәлам. 20 нче кисәк

Иманлы ирнең нәсыйхәте.
73430

Иманлы ир үзенең кавеменә ихлас һәм дустанә киңәшләр бирә:
– И халкым минем! Миңа иярегез һәм мин сезне туры юлдан алып барырмын. (Гафир сүрәсе, 38 нче аят)
Иманлы ир үзенең кавеменең дөньяга мәхәббәт белән исергәнлеген белә иде.
Фиргавен үзенең байлыгы һәм көче белән исергән иде.
Ләкин бу дөнья – бары тик рәшәләр дөньясы гына һәм ул тиздән юкка чыгачак. (Гафир сүрәсе, 39 нчы аят)
Прочитать остальную часть записи »


postheadericon Муса галәйһиссәлам. 19 нчы кисәк

Фиргавен гаиләсеннән иман китерүче.
21154

Фиргавен Муса галәйһиссәламне үтермәкче була.
Фиргавеннең гаиләсеннән булган иман китерүче, ләкин иманын яшерүче ир:
– Сез аны бары тик “минем Раббым – Аллаһ”, – дигәне өчен генә үтерерсезме?! Ул бит сезгә Раббыгыздан ачык булган могҗизалары белән килде. – ди. – Ни өчен сез Мусага каршы чыгасыз? Ни өчен аңа газаплар китерәсез?! Аның юлын кабул итмәсәгез дә, аны тынычлыкта калдырыгыз! Тимәгез аңа, ул үз юлы белән йөрсен. Әгәр дә ул алдаша икән, аның ялганы бары тик үзенә генә зарар китерә. Ә әгәр дә дөресен сөйли икән, ул вәгъдә иткәннәр сезгә килер!
Прочитать остальную часть записи »


postheadericon Муса галәйһиссәлам. 18 нче кисәк

Фиргавеннең ахмаклыгы.
0_28b44_720c21e2_XL

Фиргавен Муса галәйһиссәламнең мәсьәләсе белән борчулы була. Аның тынычлыгы кача һәм ул йоклый алмый. Аңа ризык та, су да ошамый.
Сарай кешеләре:
– Мусага һәм аның халкына җирдә фәсәд таратырга һәм синнән, синең иләһләреңнән баш тартырга рөхсәт итәрсеңме? – дип ярсуын тагын да арттыралар.
Ярсуланган Фиргавен:
– Без аларның улларын үтереп, хатыннарын исән калдырырбыз. Без алар өстеннән какшамас хакимлеккә ия! – ди.
Фиргавен Бану Исраил һәм Мисыр халкын Муса галәйһиссәламнән ерагайтыр өчен бөтен явыз уйларын да куллана.
Прочитать остальную часть записи »


postheadericon Муса галәйһиссәлам. 17 нче кисәк

Фиргавеннең янавы.
nepojmenovany-6

Фиргавен ярсый.
Ул үз урынында утырып тора алмый башлый.
Аны яшен суккан кебек һәм өстендә күк күкрәгән кебек була.
Мескен Фиргавен! Бүген аның өчен көтелмәгән хәлләр булды!
Ул Муса галәйһиссәламне сихерчеләр ярдәмендә җиңмәкче иде. Ләкин сихерчеләр Муса галәйһиссәлам яклы булдылар.
Фиргавен халыкны Муса галәйһиссәламнән үз ягына аударыр өчен сихерчеләрне җыйды, ләкин нәкъ менә шул сихерчеләр Муса галәйһиссәламгә иман китерүчеләр булды.
Прочитать остальную часть записи »


postheadericon Муса галәйһиссәлам. 16 нчы кисәк

Ялган белән хаклык арасында.
Priophet-Musa-Slide11-1024x768

Муса галәйһиссәлам аларга:
– Атарга җыенган нәрсәгезне атыгыз, – ди.
Алар үзләренең бауларын һәм таякларын аталар һәм:
– Фиргавеннең кодрәте өчен! – диләр. – Без һичшиксез өстен булырбыз!
Мәйданга җыелган халык искиткеч күренешкә шәһит була: мәйданда еланнар шуышып йөри башлый. Кешеләрнең котлары оча. Алар:
– Еланнар! Еланнар! – дип артка чигенәләр.
Прочитать остальную часть записи »


postheadericon Муса галәйһиссәлам. 15 нче кисәк

Мәйданга.
Priophet-Musa-Slide03-1024x768

Вәгъдә кылынган көнне кешеләр үзләренең өйләреннән мәйданга җыелалар.
Балалар һәм олылар, егетләр һәм картлар, ирләр һәм хатыннар мәйдан ягына таба ашыгалар.
Өйләрендә бары тик авыру һәм зәгыйфьләр генә кала.
Фирагвеннең баш шәһәре Мәтария бары тик сихер һәм сихерчеләрнең исемнәре турында гына сөйли.
Прочитать остальную часть записи »


postheadericon Муса галәйһиссәлам. 14 нче кисәк

Муса галәйһиссәламнең могҗизалары.
9d0b13be4cd75cfd397faf6ab69f8fccc716ce7f_preview

Фиргавен Муса галәйһиссәламгә үзенең ачуын яудыргач, Муса галәйһиссәлам Аллаһның могҗизасын күрсәтмәкче була.
– Ә әгәр дә мин сезгә бер ачык нәрсә күрсәтсәм?
Фиргавен әйтә:
– Соң күрсәт безгә шуны! Әгәр дә син дөресен сөйләүчеләрдән булсаң.
Муса галәйһиссәлам үзенең таягын ташлый һәм тегесе еланга әверелә. Ул үзенең кулын чыгара, һәм ул караучыларга ак булып күренә.
Шуннан соң Фиргавен тагын бер аклану уйлап таба. Ул үзенең якын түрәләренә:
– Дөреслектә, ул белүче сихерче! – ди.
Прочитать остальную часть записи »


postheadericon Муса галәйһиссәлам. 13 нче кисәк

Фиргавендә.
Yousuf3

Муса галәйһиссәлам һәм Һәрун Фиргавенгә киләләр.
Түрәләр каршында торып, аны хакыйкатькә чакыралар.
Муса галәйһиссәламнең мондый батырлыгын күреп, Фиргавеннең ачуы чыга һәм ул тәкәбберлек белән:
– Эй, син! Син мине акылга өйрәтергә кем булдың әле?! Син без елгадан табып алган сабый түгелме соң?! – ди. – Без сине кечкенә чагыннан үзебезнең яныбызда тәрбияләмәдек мени?! Син күп еллар үзеңнең гомереңне бездә үткәрмәдең мени? Син кылган гамәлеңне кылмадың мени?! Дөреслектә, син – рәхмәтсезләрдән берсе!
Прочитать остальную часть записи »


postheadericon Муса галәйһиссәлам. 12 нче кисәк

Мисырга.
iCAIK1A0X

Килешкән вакытны эшләп бетереп, Муса галәйһиссәлам үзенең гаиләсе белән Мисырга китә.
Алар карт белән саубуллашалар. Юлга озатканда, карт аларга:
– Аллаһ сезгә бәрәкәт бирсен, улым! Юлыгыз куркынычсыз булсын, кызым!
Шулай итеп, караңгы һәм салкын төнне Муса галәйһиссәлам үзенең гаиләсе белән юлга чыга.
Сахрада хәтта кечкенә генә очкын да булмый.
Җылынырга һәм юлны яктыртырга ут тапмасалар, алар нишләрләр микән?
Прочитать остальную часть записи »


postheadericon Муса галәйһиссәлам. 11 нче кисәк

Өйләнешү.
jy1-O6os2Pg

Муса галәйһиссәламгә бу өйдә бик зур хөрмәт күрсәтәләр. Бу өйсез егеткә улы кебек караганнар.
Бервакыт кызларның берсе әтисе янына килеп, оялып:
– Әтием! Син аны эшкә ал, син эшкә алганнардан көчле һәм ышанычны аклаучы иң яхшысы ул булыр. – ди.
Карт:
– И кызым! Син аның көчле һәм ышанычны аклаучы икәнлеген каян беләсең? – дип сорый.
Прочитать остальную часть записи »


postheadericon Муса галәйһиссәлам. 10 нчы кисәк

Чакыру.
82809367_4396184_plov_1_

Кызларының шулай иртә кайтканнарына гаҗәпләнеп, әтиләре алардан сәбәбен сорый:
– И кызларым! Сезне нәрсә ашыктырды? Бүген сез ничектер иртә кайттыгыз.
Алар:
– Аллаһ Үзе безгә бер яхшы кешене җибәрде, – диләр. – Ул безнең сарыкларны эчертте.
Кызларының сүзләрен ишетеп, карт нык гаҗәпләнә һәм әлеге егетнең бу җирнеке түгеллеген аңлый. Чөнки моңарчы әле аның кызларына берәү дә ярдәм итмәгән.
– Теге кешене сез кайда калдырдыгыз?
– Шул урында. Ул баш өстендә түбәсе булмаган сәфәрче.
Прочитать остальную часть записи »


postheadericon Муса галәйһиссәлам. 9 нчы кисәк

Мисырдан Мәдьянгә.
4738

Мусага кая барырга? Мисырның бөтен җире дә Фиргавен җире! Фиргавеннең җәлладлары аны бөтен җирдән үзләренең карганыкы кебек күзләре һәм кырмысканыкы кебек сизелми торган адымнары белән эзлиләр!
Аллаһ Тәгалә Муса галәйһиссәламгә гарәп шәһәре булган Мәдьянга барырга илһамландыра. Чөнки Фиргавен анда хәтле бара алмый.
Муса галәйһиссәлам артыннан берәү дә кумый микән дип курка. Һәм Мисырдан Мәдьянгә таба юнәлә.
Прочитать остальную часть записи »


postheadericon Муса галәйһиссәлам. 8 нче кисәк

Сер чишелә.
8979_thumb

Икенче көнне Муса галәйһиссәлам Бану Исраилдән булган шул ук кешене инде башка копт белән ачуланышып торганын күрә. Ул кеше, оялмыйча, Муса галәйһиссәламне тагын ярдәмгә чакыра.
Муса галәйһиссәлам аңа:
– Син бигрәк кабәхәт икән! Син һәрвакыт кешеләр белән ачуланышасыңмы? Җитмәсә, әле мине дә ярдәмгә чакырасың?! Ни өчен әле мин һәрвакыт синең яклы булырга тиеш?! Син ачык адашуда!
Прочитать остальную часть записи »


postheadericon Муса галәйһиссәлам. 7 нче кисәк

Янәдән Фиргавеннең сараена.
Solaria-3

Муса галәйһиссәламнең әнисе, имезүне тәмамлап, баланы янәдән сарайга илтеп тапшыра.
Ул сарайда принц сыман үсә.
Шуңа күрә Муса галәйһиссәлам патшалар һәм байлар алдында югалып калуның нәрсә икәнлеген белми.
Муса галәйһиссәлам Фиргавен һәм аның гаиләсенең нинди нигъмәтләрдә яшәвен күрә.
Прочитать остальную часть записи »


postheadericon Муса галәйһиссәлам. 6 нчы кисәк

Баланы кем ашатыр?
zwalls_ru-441

Табылган бала сарайның сөенече һәм гаиләнең юанычы була.
Сарайда бөтенесе дә баланы яраталар һәм аның белән уйныйлар. Чөнки патшабикә аны бик ярата. Ничек инде шулай булгач, хезмәткәрләр дә Бану Исраил кавеменнән булган бу баланы яратмасын һәм уйнамасыннар ди?
Баланы еш кына кулда йөрткәннәр һәм үпкәннәр. Чөнки бала бик нык матур булган.
Патшабикә баланы ашатырга дип сөт анасын чакыра. Ләкин бала елап, имүдән баш тарта.
Патшабикә башка сөт анасын чакыра. Ләкин бала һаман имми.
Прочитать остальную часть записи »


postheadericon Муса галәйһиссәлам. 5 нче кисәк

Нил елгасында.
moses-as-a-baby

Муса галәйһиссәламнең әнисе үзенең улы өчен бик курыккан. Дошманның төбәлгән карашы астында булып, ничек курыкмасын да, ничек борчылмасын ди ул!
Ничек соң Фиргавеннең кешеләре күпме хатыннарның балаларын тартып алганда курыкмаска?!
Мескен ана үз баласын кырмыскалар кебек сак һәм сизгер, каргалар кебек үткер күзле җәлладлардан ничек коткарыр?!
Шул вакытта Муса галәйһиссәламнең әнисенә Аллаһ Тәгалә ярдәм итә һәм баланы сондыкка салып, Нил елгасына җибәрергә илһамландыра.
Прочитать остальную часть записи »


postheadericon Муса галәйһиссәлам. 4 нче кисәк

Сабыйларны үтерү.

0731358c0afab5e89793393e4b957f97
Коптлардан булган бер күрәзәче Фиргавен янына килә дә:
– Бану Исраилләрдән бер малай туачак һәм синең хакимлегең аның кулына күчәчәк, – ди.
Фиргавен ачуыннан шартлый. Һәм үзенең җәлладларына Бану Исраилнең һәрбер туган баласын үтерергә боера.
Фиргавен үзен абсолют хакимлек иясе итеп исәпләгән һәм кемгә яшәргә, ә кемгә үләргә икәнлеген дә ул карар итә, дип уйлаган.
Прочитать остальную часть записи »


postheadericon Муса галәйһиссәлам. 3 нче кисәк

Бану Исраил (яһүдиләр) Мисырда.
hqdefault

Мисырлылар, үзләренең вәгъдәләрен үтәп, Канъяннан килгәннәргә карата әле озак вакыт хөрмәт белән карыйлар.
Канъянлыларны алар Бану Исраил – мал һәм затлылык ияләре – дип йөртәләр.
Ләкин вакытлар үткән саен, кешеләр үзгәрәләр. Аларның әхлакләре бозыла, алар Аллаһка гыйбадәт кылырга чакыруны онытып, байлык белән мавыгалар.
Прочитать остальную часть записи »


postheadericon Муса галәйһиссәлам. 2 нче кисәк

Йосыф галәйһиссәламнән соң.
4

Берникадәр вакыттан соң, Ягкуб галәйһиссәлам бу дөньядан китә. Йосыф галәйһиссәлам һәм бөтен шәһәр халкы кайгыга бата. Мисырлылар үзләрен, Ягкуб галәйһиссәламне җирләгәннән соң, әтиләрен югалткан кебек хис итәләр.
Тагын берникадәр вакыттан соң, Йосыф галәйһиссәлам да вафат була.
Прочитать остальную часть записи »


postheadericon Муса галәйһиссәлам. 1 нче кисәк

Канъяннан Мисрга.
story-2012-bjezopasnost-v-tunisje-v-nastojashhjeje-vrjemja

Ягкуб галәйһиссәлам үзенең уллары белән Канъяннан Мисрга күченеп китәләр.
Чөнки Ягкуб галәйһиссәламнең улы Йосыф галәйһиссәлам Мисрда патшалык һәм хөкем итә.
Канъянда алар көтү көтәләр, кәҗәләр савалар һәм йон саталар.
Ә Мисрда хәтта Йосыф галәйһиссәламнең хезмәткәрләре дә җитешлектә, тулылыкта яшәгәннәр. Ә инде шулай булгач, ни өчен соң Ягкуб галәйһиссәлам һәм аның уллары Канъянда калырга тиеш?
Прочитать остальную часть записи »


postheadericon Салих галәйһиссәлам. 4 нче кисәк

Аллаһның дөясе.
259877_607797
Салих галәйһиссәлам аларга:
– Сезгә нинди могҗиза кирәк? – ди.
Алар:
– Менә бу таудан буаз булган дөяне алып чык, әгәр дә син дөресен сөйләүчеләрдән булсаң! – дип җавап бирәләр.
Кешеләр дөянең таштан булмавын һәм җирдән үсмәвен, ә туганлыгын беләләр. Алар Салих галәйһиссәламне түбәнсеттек, дип шикләнмичә уйлыйлар.
Прочитать остальную часть записи »


postheadericon Салих галәйһиссәлам. 3 нче кисәк

Байларның буталчык өндәүләре.
f7411d6390f9

Байлар кешеләрнең кайберләренең Салих галәйһиссәламгә иярүләрен күргәч, үзләренең абруйларын, дәрәҗәләрен югалтырга куркалар. Алар кешеләрне Салих галәйһиссәламгә каршы өнди башлыйлар.
Прочитать остальную часть записи »


postheadericon Салих галәйһиссәлам. 2 нче кисәк

Салих галәйһиссәлам.
bc7baee50eac

Аллаһ Тәгалә моңарчы Нух галәйһиссәлам кавеменә һәм Әдитләргә җибәргән кебек үк, әлеге кавемгә дә пәйгамбәр җибәрергә тели.
Дөреслектә, Аллаһ Үзенең коллары кәферлеккә батканлыгын һәм җирдәге бозыклыкны яратмый.
Сәмудләр арасында Салих исемле кеше була. Ул затлы гаиләдә туа һәм акыллы, сәләтле булып үсә. Ул бик әдәпле, зирәк егет була.
Кешеләр аңа күрсәтеп:
– Бу – Салих! Салих! – дип әйтә торган булганнар.
Прочитать остальную часть записи »


postheadericon Салих галәйһиссәлам. 1 нче кисәк

Әд кавеменнән соң.
xXNh0sMvOV

Нух галәйһиссәлам кавеменнән соң Әд кавеме килгән кебек үк, Әдитләрдән соң Сәмуд кавеме килә.
Сәмуд кавеме дә, нәкъ Әд кавеме Нух галәйһиссәлам кавеменең эзләре буенча киткән кебек үк, Әдитләр кавеме эзе буенча китәләр.
Сәмудләрнең җирләре дә яшел һәм матур була. Аларның, асларыннан елгалар агучы бакчалары һәм чишмәләре була.
Прочитать остальную часть записи »


postheadericon Һуд галәйһиссәлам. 5 нче кисәк

Әдитләрнең кирелеге.
1356857337_forgotten_ruins_by_matchack-d5oiztx

Әд кавеме кешеләре боларның бөтенесен дә тыңлыйлар, ләкин ышанмыйлар.
Һуд галәйһиссәламнең дәгъвәте бушка китә.
Алар:
– Йә, Һуд! Синең бит дәлилләрең юк! – диләр. – Ничек инде без синең яңа сүзеңә ышанып үзебезнең күптәнге иләһләребезне ташлыйк ди? Синең бер сүзеңә карап, без үзебезнең аталарыбыз табынган иләһләребезне калдырыйкмы? Беркайчан да! Беркайчан да! Без аларны ташламыйбыз!
Прочитать остальную часть записи »


postheadericon Һуд галәйһиссәлам. 4 нче кисәк

Һуд галәйһиссәламнең хикмәте.
anywalls_com-45601

Һуд галәйһиссәлам үзенең халкын туры юлга чакыруны йомшаклык һәм хикмәт белән дәвам итә.

Һуд галәйһиссәлам әйтә:
– И халык! Мин сезнең кардәшегез һәм кичәге дустыгыз. Сез мине танымыйсыз мени?
И кардәшләрем! Ни өчен сез миннән читләшәсез? Сез нәрсәдән куркасыз? Мин бит сезнең малыгызга кимчелек китермим.
И минем халкым! Мин сездән моның өчен бернинди байлык та сорамыйм – мине бер Аллаһ бүләкләячәк. (Һуд сүрәсе, 29 нчы аят)
Прочитать остальную часть записи »


postheadericon Һуд галәйһиссәлам. 3 нче кисәк

Һуд пәйгамбәр.
reWalls_com-30677

Аллаһ Тәгалә Әд кавеменә Үзенең илчесен җибәрергә теләгән.
Дөреслектә, Аллаһ Үзенең мәхлукларына көферлек теләми һәм бозыклык, азгынлыкны яратмый.
Әд кавеме ризык, эшлексезлек, уен-көлке һәм йортлар төзүдән кала бер нәрсә турында да уйламый.
Прочитать остальную часть записи »


postheadericon Һуд галәйһиссәлам. 2 нче кисәк

Әд кавеме дошманлыгы.
551

Әд кавеменең көче кешеләргә һәм хәтта үзләренә дә куркыныч була башлый. Чөнки алар Аллаһ Тәгаләгә һәм Кыямәт көненә иман китермиләр.
Аларны кансызлык кылудан һәм шәфкатьсез булудан ни тыйсын соң?! Үзләреннән дә өстенрәк берәүне дә танымаган кешеләрне золымлылылык кылудан нәрсә туктатсын соң?
Прочитать остальную часть записи »


postheadericon Һуд галәйһиссәлам. 1 нче кисәк

Нух галәйһиссәламнән соң.
0d10c727ca85af21b840d3b3c6ff4a1b
Аллаһ Тәгалә Нух галәйһисәламнең нәселенә бәрәкәт бирә. Алар җир буенча таралалар.
Алар арасында “Әд” дип исемләнгән кавем була. Алар көчле кешеләр була. Аларның тәннәре тимергә охшаган була һәм алар бөтен кешеләрне җиңәләр. Алар белән берәү дә ярыша алмый. Алар беркемнән дә курыкмыйлар. Ә алардан бөтенесе дә курка. Аллаһ әлеге кавемгә бөтен нәрсәдә дә бәрәкәт бирә.
Прочитать остальную часть записи »


postheadericon Нух галәйһиссәлам. 9 нчы кисәк

Нух галәйһиссәламнең улы.
600x60012570263699

Нух галәйһиссәламнең потларга табынучылар ягында булган улы була. Үзенең улын күреп, Нух галәйһиссәлам аны коткармакчы була һәм үзе белән көймәгә утырырга чакыра:
– Улым! Безнең белән утыр һәм кәферләр белән калма!
Улы:
– Мин тауга менеп яшеренермен, ул мине судан саклар, – ди.
Прочитать остальную часть записи »


postheadericon Нух галәйһиссәлам. 8 нче кисәк

Нух галәйһиссәлам көймәсе.
noahs-ark-afloat

Аллаһ Тәгалә Нух галәйһиссәламнең догасын кабул итә һәм аның кавемен су астында калдырырга тели. Ул Нух галәйһиссәлам һәм аңа ияргәннәрне генә коткарырга тели.
Аллаһ Тәгалә Нух галәйһиссәламгә зур көймә төзергә куша. Һәм ул төзи башлый.
Бу хәлне күреп, аның кавеме аны мыскыллап көлә башлый.
Прочитать остальную часть записи »


postheadericon Нух галәйһиссәлам. 7 нче кисәк

Нух галәйһиссәламнең дәгъвәте.
2122

Нух галәйһиссәлам үзенең дәгъвәтен башлый. Ул тырышып үзенең кавемен дингә чакыра. Ул:
– И кавемем! Дөреслектә, мин сезгә кисәтүче һәм аңлатучы үгетләүче. Аллаһ Тәгаләгә гыйбадәт кылыгыз, Аннан куркыгыз һәм мине тыңлагыз! Ул сезнең гөнаһларыгызны гафу итәр һәм билгеле бер көнгә кадәр сезгә соңгарау бирер. Дөреслектә, Аллаһның вакыты килеп җиткәч, ул инде кире чигәрелми. Сез моны белсәгез иде! (71 нче сүрә, 2 -4 нче аятләр)
Прочитать остальную часть записи »


postheadericon Нух галәйһиссәлам. 6 нчы кисәк

Сиңа ярлылар иярәчәк.
7b9e871be9c8

Нух галәйһиссәлам кавеме үзләренең потларыннан баш тартып, бер Аллаһка ышансыннар өчен армый-талмый тырыша. Ләкин аның дәгъвәтенә кавеменең бик аз кешеләре иярә.
Аңа иярүчеләр – ризыкларын үз тырышлыклары белән гадел рәвештә табучылар иде.
Тәкәбберлек һәм байлык Нух галәйһиссәламнең дәгъвәтен каплый. Үзләренең байлыкларына мөккиббән китү, аның өчен тәкәбберләнү байларны хакыйкый юлдан яздыра.
Прочитать остальную часть записи »


postheadericon Нух галәйһиссәлам. 5 нче кисәк

Кавеменең җавабы.
iCAVM9DIW

Нух галәйһиссәлам үзенең кавеменә:
– И халкым минем! Дөреслектә, мин сезнең өчен кисәтүче һәм аңлатучы дәгъвәтче, – диде.
Ләкин аның халкы арасында:
– Кайсы вакыттан әле ул пәйгамбәр булды? Әле кичә генә ул безнең беребез иде, ә инде бүген үзен Аллаһның пәйгамбәре диме? – диюче кешеләр табылды.
Прочитать остальную часть записи »


postheadericon Нух галәйһиссәлам. 4 нче кисәк

Пәйгамбәрләр кешеләрме, әллә фәрештәләрме?
0_51b5a_a06ed913_XL

Аллаһ Тәгалә пәйгамбәрләрнең фәрештәләрдән булмыйча, нәкъ менә кешеләрдән булуларын теләгән. Кешеләр алар белән сөйләшеп, алар турында белсеннәр өчен.
Әгәр дә пәйгамбәрләр фәрештә булсалар, кешеләр:
– Алар кем дә, без кем? – диярләр иде. – Алар фәрештәләр булса, без бит гади кешеләр генә. Без ашыйбыз, эчәбез. Безнең хатыннарыбыз һәм балаларыбыз бар. Ничек инде без Аллаһка гыйбадәт кыла алабыз?! – диярләр иде.
Прочитать остальную часть записи »


postheadericon Нух галәйһиссәлам. 3 нче кисәк

Сыннар потларга әверелә.
85

Еллар үтә. Яшьләр олыгая. Ләкин алар хәтерендә, аталарының әлеге сыннарны хөрмәтләп тотулары, кулларына алулары, иреннәренә куюлары, алар каршында гыйбадәт кылулары кала.
Хәзер инде балалар ата-аналарын уздырып җибәрә.
Прочитать остальную часть записи »


postheadericon Нух галәйһиссәлам. 2 нче кисәк

Шәйтанның мәкерлеге.
img_be1804c78233cc5f4c6f9cba315c649c

Кешеләрне туры юлдан яздырыр өчен Шәйтан мәкерле план уйлап таба.
Кешеләр арасында Бер Аллаһка гына көндезләрен һәм төннәрен табына торган, Аны ярата торган Аллаһ Тәгаләдән куркучы, изгеләр була.
Аллаһ Тәгалә дә Үзенең изге колларын ярата һәм аларның догаларын кабул итә.
Бу кешеләрне бөтенесе дә яраткан һәм хөрмәт иткән.
Прочитать остальную часть записи »


postheadericon Нух галәйһиссәлам. 1 нче кисәк

Адәм галәйһиссәламнән соң.
eso1210a
Аллаһ Тәгалә Адәм галәйһиссәламнең балаларын арттыра. Алар арасында малайлар да, кызлар да күп була. Алар төрле җирләрдә яши башлыйлар һәм күбәяләр.
Әгәр Адәм галәйһиссәлам кайтып, аларны күрсә, ул аларны танымас иде. Әгәр дә аңа: “Бу – синең нәселең”, дисәләр, ул бик аптырар иде һәм:
– Субхән Аллаһ! Болар бар да минем балаларыммы?!! Болар бар да минем варисларыммы?!!
Прочитать остальную часть записи »


postheadericon Йосыф галәйһиссәлам. 11 нче кисәк

Ягкуб артыннан.
e

Йосыф галәйһиссәламнең әтисе Ягкубны тизрәк күрәсе килә иде. Ничек моны теләмәскә ди – аерылышу бигрәк озак иде бит?!
Ни өчен тагын түзәргә ди, серләр бит инде чишелде!
Ничек инде ул әтисе тыныч кына ашый, эчә, йоклый алмаганда, тыныч кына ашап-эчсен?!
Серләр чишелде. Серләр ачык булдылар.
Аллаһ Тәгалә, кайгысыннан һәм күз яшьләреннән сукыраеп беткән Ягкуб галәйһиссәламгә күз күремен кире кайтарырга тели.
Прочитать остальную часть записи »


postheadericon Йосыф галәйһиссәлам. 10 нчы кисәк

Ягкубта.
1280265734_rrrrrryer
Абыйлар ничек итеп әтиләре янына кайтып, аның йөзенә ничек карарга икәнлеген белмәделәр.
Алар әтиләренә булган хәлне ничек итеп сөйләргә икәнлеген уйладылар.
Әле күптән түгел алар әтиләрен Йосыф турындагы вакыйга белән кайгыга салганнар иде, инде менә хәзер Биньямин турындагы вакыйга белән кайгыга салачаклар.
Прочитать остальную часть записи »


postheadericon Йосыф галәйһиссәлам. 9 нчы кисәк

Биньямин Йосыф галәйһиссәламнең кабулында.
0a0d3e5c6d446de841fe2ca990b8067a
Кардәшләр, әтиләре кушканча, төрле капкалардан керделәр һәм Йосыф галәйһиссәлам янына килделәр.
Йосыф галәйһиссәлам энекәше Биньяминны күреп бик сөенде. Һәм аны үзенең янында калдырды.
Йосыф галәйһиссәлам узенең энекәшен кочаклап:
– Дөреслектә, мин – синең абыең, – диде. Һәм Биньямин тынычланды.
Йосыф галәйһиссәлам Биньяминны күп еллык аерылышудан соң күрде һәм әтисен, әнисен, өен һәм балачагын исенә төшерде.
Прочитать остальную часть записи »


postheadericon Йосыф галәйһиссәлам. 8 нче кисәк

Йосыф галәйһиссәлам һәм абыйлары…
1291918112_asia2_19

Йосыф галәйһиссәлам абыйларыннан сораштыра башлады:
– Сез каян?
– Каньаннан.
– Сезнең әтиегез кем?
– Ягкуб ибн Исхак ибн Ибраһим галәйһимсәлам.
– Сезнең тагын кардәшләрегез бармы?
– Әйе, безнең тагын Биньямин исемле энекәшебез бар.
– Ник ул да сезнең белән килмәде?
– Безнең әтиебезнең аны югалтасы һәм аннан ерагаясы килми.
– Ничек инде югалтасы килми? Ул нәрсә, кечкенә мени?
– Юк. Аның Йосыф исемле абыйсы бар иде. Бервакыт ул безнең белән урманда иде. Без аны әйберләрне сакларга дип калдырдык һәм үзебез уйнарга киттек. Шунда аны бүре ашап киткән.
Прочитать остальную часть записи »