Сабыем

Архив рубрики «ӘКИЯТЛӘР»

Борын заманда түгел, көннәрнең бер көнендә кара урман аланында яшәгән ди урман сакчысы Кәрли, узенең малае Кәрлә белән. Алар урманда яшәгәнлектән укый, яза белмәгәннәр. Ә Кәрләнең бик тә укырга, язарга өйрәнәсе килгән. Әмма кара урман аланыннан зур шәһәргә бару өчен бик озын һәм авыр юл үтәсе бар. Шуңа күрә Кәрли малаен бик җибәрмәскә тырышса да күнде, Кәрләне мәктәпкә җибәрде.

Прочитать остальную часть записи »

Каз белән Аккош

(Абдулла Алиш әкияте)

Әкият – Каз белән аккош

Очы-кырые күренмәгән болын уртасында зур бер күл булган. Тирәләре аның яшел кыяклар, шаулап торган камышлар белән капланган булган.

Бу күл буена кеше аягы бер дә басмаган, ул тирәләрдә аучыларның мылтыклары да шартламаган.

Прочитать остальную часть записи »

Такыя кигән Мөбарәк

(Рабит Батулла)

Беренче сөйләм

Бер тапкыр Мөбарәк исемле бер малай урманга киткән. Бара икән, бара икән, бара торгач, бер басмага барып җиткән. Басманы чыккан да Мөбарәк тагын алга таба киткән. Бара икән, бара икән, бара торгач, бер күпергә барып җиткән бу. Прочитать остальную часть записи »

Яңа чана (Рәисә Ишморатова)

Раиләләрнең  ишегалдында  балалар  бик  күп.  Алар  бер-берсен яраталар, бергәләп, төрле-төрле уеннар уйныйлар. Быел кыш тау ясадылар. Һәркайсының  чанасы  бар. Тик  Раиләнең  генә  чанасы  юк. Ул уйнарга чыккач, Фирая белән Гүзәл йөгереп киләләр дә:

— Раилә, кил, чанада шу,— дип, үз чаналарын биреп торалар.

Беркөнне Раиләнең әтисе дә чана алып кайтты. Раилә шатлыгыннан  нишләргә  белмәде.  Биеп  тә  алды,  сикергәләп  тә. Әтисе Раиләгә:

— Чанаңны саклап кына шу, ватма, — диде.

Прочитать остальную часть записи »

“Балаларның психик яктан сәламәт булуның бер чарасы буларак УМК элементларын кулланып  “Әкиятерапиянең һәм бармак уеннарының әһәмияте”

Баланың мәктәпкәчә яшьтәге чоры – тирә-юньне йотлыгып өйрәнү, күп кичерешләрне үзенә туплау һәм кеше шәхесе формалашуда иң мөһим чор.  Баларның физик һәм психик яктан сәламәт булулары өлкәннәрнең йогынтысы бик зур роль уйный. Психик яктан сәламәт булуның бер чарасы буларак әкияттерапиянең һәм бармак уеннарының әһәмияте турында сезгә якыннан таныштырып китәсем килә. Бу төр эшебездә без УМК материалларында киң куллана алабыз.  Прочитать остальную часть записи »

Кыз һәм икмәк

(Балалар матбугатыннан)

Бер авылда Гөлназ исемле кыз яшәгән, ди. Бер начар гадәте булган аның: ул көйсезләнергә ярата икән.

Бервакыт әбисе аны өстәл янына аш ашарга чакырган. Тәлинкә янына бер телем арыш ипие куйган. Шунда Гөлназ: «Мин сезнең бу ипиегезне ашамыйм, үзегез ашагыз, миңа конфет бирегез»,— дип киреләнә башлаган.

Прочитать остальную часть записи »

Күп кешеләр баллыны яраталар. Ә балалар – аеруча. Баллы ризыклар баланың үсеше өчен бик кирәк, ләкин аңа күбрәк файдалы татлылыклар бирергә тырышыгыз. Мәсәлән, бал (аллергия булмаса), җиләк-җимешләр, кипкән җимешләр, яшелчәләр. Ә торт яисә күмәч белән сыйланырга телисез икән, аларны үзегез сабыегыз белән бергә табигый азык-төлектән пешерегез.

 Елак әтәч

(Рабит Батулла әкияте)

Прочитать остальную часть записи »

Бикбатыр белән Биккуркак

 (Абдулла Алиш әкияте)

Әкият – Бикбатыр белән Биккуркак

Прочитать остальную часть записи »

Нечкәбил

(Абдулла Алиш әкияте)

(Кыскартып алынды)

Әкият – Нечкәбил.А.Алиш

1

Каршыгызда, менә күрәсезме, нәрсә соң ул, беләсезме?

Шашка шакмаклары төсле тезелеп киткән йортлар. Ул йортларда яшиләр кортлар.

Кортлар? Нинди кортлар?

Татлыдан татлы бал җыялар, шәмгә яраклы балавыз коялар. Ерак-ерак җирләргә очып китәләр. Укларын кадасалар, еларга итәләр.

Прочитать остальную часть записи »

 Бик яхшы сабак алды Ябалак

(Абдулла Алиш әкияте)

Әкият – Бик яхшы сабак алды ябалак

Зәп-зәңгәр күк итәгенә барып тоташкан, очы-кырые күренмәгән бер кара урман бар. Ул урманда яшел киемле агачлар гөрләп үсәләр, тәмле-тәмле җиләкләр кызарып пешәләр. Анда ерткыч бүреләр, хәйләкәр төлкеләр, куркак куяннар, агулы еланнар яшиләр.

Усал ерткычлар, сайраучы кошлар белән бергә бу урманда ике ябалак та тора. Төскә алар тавык төсле матур, ә башлары аларның песи башына бик охшый. Күзләре коточкыч зур булсалар да, көндезләрен күрмиләр, шуңа күрә алар ауга да төннәрен генә йөриләр.

Прочитать остальную часть записи »

Өч аю

(Лев Толстой әкияте)

Әкият – Өч аю

Бер кыз өйләреннән чыгып урманга киткән. Урманда ул адашкан һәм кайтырга юл эзли башлаган. Ләкин таба алмаган. Урмандагы кечкенә генә бер өй янына килеп чыккан.

Прочитать остальную часть записи »

  Сертотмас үрдәк

(Абдулла Алиш әкияте)

Әкият – Сертотмас үрдәк

Борын заманда башы бүрекле, аягы төкле бер үрдәк бул­ган. Ул үзе, сайрый белмәсә дә, күргән бер кошына, хайванына, ерткычына озак-озак итеп яңа хәбәрләр сөйләргә ярата икән. Тегеләр аның сүзләрен тыңлый-тыңлый арып бетәләр, я бөтенләй тыңламый ташлап китәләр икән. «Ишеттеңме бер яңа хәбәр? Сиңа гына сер итеп сөйлим», – дип башлап китә торган булган ул сүзен.

Прочитать остальную часть записи »

Балага “Чуар тавык” әкиятен сөйләгез. Сабыегыз сез әйткән сүзләрне һәм хәрәкәтләрне кабатлап барсын.

Чуар тавык
(Рус халык әкияте)

Яшәгән, ди, булган, ди, бабай белән әби. Аларның Чуар тавыклары булган – КЫТ-КЫТАК! КЫТ-КЫТАК!

Прочитать остальную часть записи »

Теремкәй

(Рус халык әкияте)

 Әкият -Теремкәй

Басуда терем-теремкәй урнашкан була.

Прочитать остальную часть записи »

Йомры икмәк

(Рус халык әкияте)

Әкият – Йомры икмәк

Әби белән бабай бик тату яшәгәннәр. Бервакыт бабай әбигә карап болай дигән:

Прочитать остальную часть записи »

Әгәр дә балагыз киенергә яратмый икән, бу әкиятне аңа йоклар алдыннан яисә киендергәндә сөйләгез.

Прочитать остальную часть записи »

Бу темага « Ильяс ничек итеп эчен ашаткан» һәм « Ни өчен ашарга кирәк» әкиятләре керде. Әкиятләрне укыгыз һәм сабыегызга туры килгәнен сайлагыз. Ләкин бу темада нюанслар бар, шуны исегездә тотыгыз. Баланы мәҗбүри ашатырга ярамый! Ул ризык ашау процесыннан шатлык алырга тиеш. Һәр бала нәрсә, кайчан һәм күпме ашавын үзе хәл итәргә сәләтле. Ләкин, мәгълүмат булганча, барлык балалар да баллы әйбер яраталар. Һәм еш кына шулпа урынына бала кәнфит яки печенье белән сыйлана. Менә шунда сезгә ярдәмдгә әкияттерапия килер. Сабыйны интектереп үгетләү урынына кечкенә кызыклы хикәя сөйләсәгез, яхшырак булыр. Прочитать остальную часть записи »

Шалкан

(Рус халык әкияте)

Бабай шалкан утырткан. Шалкан көн үскән, төн үскән, бик зур булган.

Прочитать остальную часть записи »