Безнең якта кышлаучы кошлар турында табышмаклар
1. Гөлдер—гөлдер, гөлдергү,
Кызыл тәпи кемдер бу? (Күгәрчен)
2. Җәй тукылдый бу чүкеч,
Кыш тукылдый бу чүкеч,
Ничек чыдый бу чүкеч? (Тукран)
***
Агач башы тукылдык,
Тукый-тукый тук булдык. (Тукран)
3. Яшькелт-сары төсле ул,
Бер кечкенә кошчык ул. (Песнәк)
***
Кырау булсын,
Кырпак булсын,
Китмәс дустым.
Җәен-кышын,
Салмый сары
Алъяпкычын. (Песнәк)
4. Иртә таңнан кичкә чаклы
Чык – чырык та, чык-чырык (Чыпчык)
***
Чырык-чырык чыркылдый,
Бер жиргә дә ул китми.
Безнең белән дус яши,
Әйтегезче, ул ни? (Чыпчык)
5. Ак-карадан киенгән,
Бер минут та тик тормый. (Саескан)
***
Ала чапан киенгән,
Мал суйганга сөенгән,
Шунда төшеп йөгергән. (Саескан)
6. Нинди кош көне буе үзенең исемен кычкыра? (Карга)
| Комментарии: |