Сценарий: “Яз килә!”
Беренче кечкенәләр төркеме балалар өчен
Балалар тәрбияче белән бергә залга керәләр. Тәрбияче ЯЗ образында
ЯЗ: Март аенда, кар өстендә
Кояш нурлар уйната –
Яз килә, каршы алыгыз –
Дигән хәбәр тарата.
Без беләбез, җылы язның
Иң беренче бәйрәме-
Әниләр, әби-апалар,
Хатын кызлар бәйрәме!
ЯЗ: Балалар, бүген мин – ЯЗ – сезнең белән бергәләшеп уйнармын, җырлар җырлармын.
1. ПЕСНЯ «БЕЗ БҮГЕН ҖЫР ҖЫРЛАДЫК»
ЯЗ: Рәхмәт, балалар, бик матур итеп җырладыгыз. Ә хәзер, әйдәгез, биеп тә алыйк.
2. ТАНЕЦ-ИГРА «КАЙДА БЕЗНЕҢ КУЛЛАРЫБЫЗ»
(Кошлар тавышы ишетелә)
ЯЗ: Балалар, ишетәсезме? кошлар безне уйнарга чакыралар. Кошкайлар, сак булыгыз! Мәчене уята күрмәгез!
3. ИГРА. «ПТИЧКИ И КОТ»
ЯЗ: (уен ахырында) Мәче уянды – кошкайларны куркытты!
(балалар утыралар)
ЯЗ: Ә хәзер инде без яз бәйрәме турында шигырьләр дә сөйләп алыйк
4. БАЛАЛАР ШИГЫРЬЛӘР СӨЙЛИЛӘР
ЯЗ: Рәхмәт, балалар, матур итеп шигырьләр сөйли беләсез икән.
ЯЗ: Ә безнең кызлар, матур итеп бии дә беләләр әле! Әйдәгез әле, матрешкалар! Безгә биеп күрсәтегез эле!
5. МАТРЁШКАЛАР БИЮЕ
(кызлар утыралар)
ЯЗ: Рәхмәт, кызлар-матрешкалар! Бик матур биедез! Хәзер инде, малалайлар да безне шатландырыгыз.
6. ПЕСНЯ «БРАВЫЕ СОЛДАТЫ»
(малайлар бииләр, аннары урыннарына утыралар)
ЯЗ: Ә безнең бәйрәм дәвам итә.
Балалар ишетәсезме? Безнең яңга кемдер килә.
(КЫЗЫЛ КАЛФАК керә)
ЯЗ: Исәнме , Кызыл Калфак! Син нигә шундый моңсу?
Кызыл Калфак: Исәнмесез!
Мин урман буйлап йөрдем,
Кәрзинемне югалттым.
Кәрзиндә пәрәмәчләр калды,
Ә мин пәрәмәчләрне пешерә белмим!
ЯЗ: Кызыл Калфак, ә без сиңа хәзер булышабыз!
7. ПЕСНЯ «ПИРОЖКИ»
ЯЗ: Пәрәмәчләрне мичкә куябыз. Пәрәмәчләребез бик матур һәм бик тәмле итеп пешәчәкләр!
(Бүре Кызыл Калфак янына йөгереп килеп керә)
Бүре:Исәнмесез! Мин бүре! Урман буйлап Кызыл калфакны эзләп йөрим!
Кызыл Калфак: Ә нигә син мине эзлисен? Син мине ашамакчы буласын?
Бүре: Ююююк, мин бер дә усал түгел! Мин сине ашамыйм! Минем сиңа чәчәкләр бүләк итәсем килә!
Сиңа мин чәчәкләр бүләк итәм
Һәм биергә чакырам!
Кызыл Калфак: Рәхмәт сиңа, буре!
Яз:Балалар, әйдәгез әле, без дә Буре белән Кызыл Калфакка кушылып чәчәкләр белән биеп алыйк.
8. ЧӘЧӘКЛӘР БЕЛӘН БИЮ
(Бию ахырында бергәләшеп: “Бәйрәм белән!”)
ЯЗ: Менә пәрәмәчләр дә пешеп җиттеләр. Бу пәрәмәчләрне, Кызыл Калфак, әбиеңә алып бар. Бездән саләм дә әйтерсең!
(Кызыл Калфакка кәрзин тапшыра)
Кызыл Калфак: Рәхмәт сезгә! Сау булыгыз!
Бүре: Сау булыгыз, балалар!
(Кызыл Калфак белән Бүре чыгып китәләр)
Яз: Сау булыгыз! Ә безнең бәйрәмебез тәмам!
Татарстан Республикасы
Яр Чаллы шәһәре
“28 нче “Кар бөртеге” балалар бакчасы”
муниципаль бюджет мәктәпкәчә белем бирү учреждениесенең
тәрбиячесе
КАЛИМУЛЛИНА СВЕТЛАНА ВАЛЕРИЙ КЫЗЫ
| Комментарии: |