Нәниләргә гарәп алфавиты – 3
Башы монда: Нәниләргә гарәп алфавиты – 2
ز- زهرة
Зәюн. Зәһра. Ул – чәчәк.
Хуш исле, матур, күркәм.
Аллаһ яраткан һәр нәрсә
Шундый камил, мин беләм.
***
س – ساعة
Син-ун. Сәга. Ул – сәгать.
Вакытны ул күрсәтә.
Һәр нәрсәне вакытында
Үтәргә ул өйрәтә.
***
ش – شمس
Шин-ун. Шәмсун. Ул – кояш.
Балкып тора ул күктә.
Ул да, барлык җиһан кебек,
Аллаһка мактау әйтә.
***
ص – صائد
Сад-ун. Са’ид – балыкчы.
Ул күпләп балык тота.
Иртән иртүк кармак алып
Су буена ашыга.
***
ض – ضفدع
Дад-ун. Дафдаг. Ул – бака.
Сикерергә ярата.
Салкын тәнле, озын телле…
Күлдә ул яшәп ята.
***
(дәвамы бар)
| Комментарии: |